Om Blix Hotell
Blix hotell ligg midt i Vik sentrum. Ny hovedbygning med resepsjon, spisesal, bar, møterom og konferanserom vart opna i desember 2015. Romma for overnatting ligg i det såkalla "annekset" som er nabobygget til sjølve hotellet. Her er 27 doble rom. "Annekset" er ca 20 år gammalt, men av grei standard. Alle rom har TV, internett og 2 enkle senger (som ei dobbeltseng). Alle rom har eige bad med dusj. Ta gjerne kontakt for eit tilbod!
FRÅ HOPSTOCK TIL BLIX HOTELL
I 1659 fekk gjestgivarstaden på Vikøyri skjenkebevilling, og hotellet i Vik kan rekna si historie frå dette året. Den gamle gjestgivarstaden brann ned 16. juni 1838. Jens Roald Valentinsen bygde nytt og selde til svogeren sin Ole Andreas Hopstock i 1847 og fekk etter dette vart namnet Hopstock. Vikjen Mons Thorsen overtok i 1945 og systera Malla stod for drifta fram til 1971.
Anne Marie og Carl Melchior Rieber overtok i 1971. Ved overtaking vart det sett vilkår om at det skulle byggjast nytt hotell innan 5 år. Det nye stod ferdig i 1973.
Hotellet vart drifta som Hopstock hotell fram til mai 2010 då hovudbygningen brann ned.
Annekset med sine 28 rom gjekk ikkje med i brannen og har heile tida tilbydd rom til utleige.
I 2014 tok Røyrvik Eigedom AS og Jorunn Åsfrid Røyrvik over eigedommen med ambisjon om å byggje opp igjen den tradisjonsrike hotelldrifta, men no under namnet Blix hotell. Dørene vart opna den 12.12.2015 etter ei totalrenovering av bygget. Hotellet er no ope heile året.
Blix Hotells valgte linker
Eier du bedriften?
Logg in