Hardanger Saft- og Siderfabrikk ligg inst inne i Hardangerfjorden på fruktgarden Lekve i Ulvik. Garden har lang tradisjon for fruktdyrking og heile garden er i dag planta til med frukt. Frå gammalt av var det fruktdyrking på Lekve; eple, pære, plommer og moreller. I dag er det eple og plommer. Frå 2004 har produksjon av eplemost og sider vorte ein svært viktig del av drifta på garden.