Om Hjelmeland begravelsesbyrå

Til hjelp i sorga sidan 1978. Vi gir dykk tryggleik i ei vanskelig tid. Dei tilsette hos oss har skulering gjennom Virke Gravferd. Vi er her når de treng oss som mest, og hjelper dykk med å lage ei personleg, fin og verdig gravferd. Slik de ønskjer. De kan kontakte oss heile døgnet. Vi har teieplikt og kan møtast til samtale på eitt av våre kontor, eller heime hos dykk.

Minnebok, minnesider og blomsterbestilling.

Ei personleg nettside der vi kan minnast den som er død. Her ﬁnn vi dødsannonsen. På minnesida kan de bestille blomster frå den lokale blomsterlevrandøren.

Vi lagar alltid minnebok.

Etter gravferda vert det laga ei minnebok til dykk. Der har vi samla minneord, annonsen, songheftet, nærbilde av blomsterdekorasjonar og andre foto frå gravferda.

Hjelmeland Begravelsesbyrå har vore ei familiebedrift sidan etableringa i 1978 og består i dag av fire tilsette, Bjørn, Tone Lise, Mariann og Odd Kåre. Dei tilsette er alle skulerte gjennom Virke Gravferd og har lang erfaring med å yte hjelp og støtte til pårørande i vanskelege situasjonar. Vi er her for å gje dykk tryggleik og hjelp med alle dei gjeremåla som dukkar opp i samband med ei gravferd. Vi hjelper med val av løysingar slik at gravferda blir slik de ønskjer. Vi ordnar alt av papirarbeid, transport, songar, dødsannonsar, – og vi syter for at eventuelle støtteordningar kjem til nytte i bruk.

Som medlem av Virke Gravferd har vi forplikta oss til å følgje høge krav i vår yrkesutøving. Nokon synes at ein kvit bårebil gjev eit lysare glimt i sorga. Vi har begge så de kan velje sjølve.

Vi tilbyr våre tenester og har eit naturleg verkeområde i Vågsøy, Selje, Bremanger, Eid, Gloppen, Hornindal, Stranda, Fjord og Stryn.

Ønskjer du å treffe oss kan du gjere dette på eitt av kontora våre eller på telefon.

Vi er i Nordfjord - for Nordfjord.