Hos oss her i Hydlaparken kan du leike deg i klatreløyper mellom tretoppane, hyle deg gjennom zip lines, utfordre deg i pumptracken eller slappe av med ein kopp kaffi. Dei minste kan boltre seg i miniHYDLA, dei tøffaste kan hoppe frå Hydlaspranget, medan du som berre vil utforske den fantastisk flotte moreneryggen som klatreparken er bygd på kan rusle på stiane og kikke opp i trekrunene. Her er alle velkomne og vi legg vår stoltheit i å kunne tilby aktivitetar for folk i alle aldrar. ​ I Hydlastova kan du nyte god mat og drikke, både i og utanfor klatreparken sine opningstider. Her har vi også selskapslokaler og konferanseavdeling.