Vinterlandbruksskulen på Jæren tilbyr agronomutdanning for vaksne elevar med undervisning på kveldstid. Det overordna målet er at Vinterlandbruksskulen skal gi kunnskap, inspirasjon og framtidstru til landbruksnæringa. Ved Vinterlandbruksskulen vil vi arbeida for å gi elevane relevant og framtidsretta opplæring med fokus på: - forvalting av matjord og naturressursar for berekraftig matproduksjon - god dyrevelferd - kunnskap til å gjera gode vurderingar - driftsleiing; fagleg og personleg utvikling som grunnlag for lønnsam drift Vi vil utdanna dyktige matprodusentar. Skulen er lokalisert saman med Rogaland Landbrukspark på Særheim i Klepp kommune. Med nokre års mellomrom tilbyr vi utdanninga på Helleland.

Vinterlandbruksskulen på Jæren er ein skule med rike tradisjonar. Det overordna målet er at Vinterlandbruksskulen skal gi kunnskap, inspirasjon og framtidstru til landbruksnæringa.

Stiftelsen Vinterlandbruksskulen på Jæren fører vidare eit interkommunalt samarbeid om landbruksopplæring som starta i 1911. 13 kommunar står nå bak skulen, og kommunestyret i kvar kommune oppnemner kvar sin medlem til styret for skulen. Dei 13 kommunane er Bjerkreim, Eigersund, Gjesdal, Hå, Klepp, Lund, Randaberg, Sandnes, Sirdal, Sola, Sokndal, Stavanger og Time.

Skulen er godkjend etter lov om private skular med rett til statstilskot, og tilbyr for tida agronomutdanning på grunnlag av godkjend læreplan i felles programfag Vg3 landbruk, under utdanningsprogram for naturbruk. Formålet til skulen er å gi ei god tilpassa opplæring til vaksne som ønskjer slik utdanning.

Skulen er lokalisert i leigde lokale ved Øksnevad vidaregåande skule, og undervisninga føregår i undervisningsbygget der. Med nokre års mellomrom tilbyr vi utdanninga på Helleland.

Skulen er ein del av Rogaland Landbrukspark på Særheim.